FARMEN 2017: Dá leat Farmen oasseváldit. TV2 preassagovva.

Mátta-Várjjatlaš mielde Farmenis

Dán čavčča fárrejit fas 14 olbmo dološ dállui, gos galget ieža birget. Line Suomalainen, Mátta-Várjjagis eret, lea okta sis.

10:14 Čakčamánu 09. beaivi 2017

Čakčamánu 25. beaivvi álgá fas Farmen tv-ráidu oidnot TV2:s. 14 olbmo fárrejit Farmen-dállui, ja leat dego


FARMEN OASSEVÁLDI: Line Suomalainen (55) Mátta-Várjjagis eret. TV2 preassagovva.

mátkkoštan 100 jagi maŋos. Dán jagi Farmen lea biddjon dakkár áigái go dievdu dávjá lei meara alde, ja nissonolbmot ledje ruovttus dálus. Dan dieđiha TV2 preassadieđáhusas.

Line Suomalainen, Mátta-Várjjagis eret lea okta sis gii fárre dállui.

Son orru dál Ørjes, Østfoldas. Lea dáiddár, 55 jagi boaris, ja sus leat njeallje máná.

Son berošta luonddus, guollebivddus, bivddus ja govaid njuvdit.

 

Lulli-Norggas

Dállu gos dán jagáš Farmen-oasseváldit galget orrut lea Aust-Agderis, Flosterøyas. Mearra lea lagamus ránnjá, ja oasseváldit ohppet jođánit doahttalit daid fámuid mat doppe leat.

Oasseváldit galget doaimmahit vahkkosaš bargguid, maid dálu eaiggát mearrida.

Eará oasseváldit leat Amalie Snøløs (21), Thale Myhre (24), Karianne Amlie Whalstrøm (26), Sunniva Dortea Thorsen (30), Camilla Cox Barfot (31), Eunike Hoksrød (39), Kristian Krubel Djupnes (21), Trym Nygaard Løken (23), Mats Beylergaard Brennemo (28), Vidar Helseth (38), Tom Evensen (42), Geir Magne Haukås (46) ja Halvor Sveen (47).

Fáddásánit
Magasiidna

På forsiden nå