LIHKOHISVUOHTA: Njealjis sáddejuvvojedje gádjunhelikoptera mielde Romsii. Čájáhusgovva: Håkon Mosvold Larsen / NTB scanpix

Jápmin­lihkohis­vuohta Omas­vuonas

Sotnabeaivvi lei biilalihkohisvuohta Háhtas, Omasvuona suohkanis, Romssas.

12:58 Čakčamánu 25. beaivi 2017

Guokte biilla beaškkehedje oktii E6 luotta alde, moadde kilomehtera davvelis Háhta gili. Oktiibuot čieža olbmo ledje dan guovtti biillas.

– Biillat beaškkehedje oktii, ja mii leat ožžon dieđu ahte golmmas dan nuppi biillas leat jápmán, logai Romssa politiijaid operašuvdnajođiheaddji Morten Augensen NRK:i.

Sii ledje buohkat gullevaččat Návvuona suohkanii, Davvi-Romsii. Badjelaš 60-jahkásaš bárra ja 80-ahkásaš nisu.

 

Sáddejuvvojedje UNN:i

Nuppi biillas ledje njealjis, dievdu, nisu ja guokte máná skuvlaagis. Sii sáddejuvvojedje helikopteriin Romssa Universitehtabuohccivissui.

– Buot njealjis leat stabiilat. Nisu gii lei lihkohisvuođas lea veaháš roasmmehuvvan, earát eai leat, lohká Augensen NRK:i.

Fáddásánit
Ođđasat

På forsiden nå