DOLLAGÁTTIS: Bearjadaga ii leat šat dolastangielddus. Čájáhusgovva: Joe Urrutia

Dál ii leat šat dolastangielddus

Bearjadaga lea fas lohpi cahkkehit dola. – Čakča lea fiinna áigi návddašit biepmu olgoáimmus, hásttuha Norsk Friluftsliv.

09:13 Čakčamánu 14. beaivi 2017

Cuoŋománu 15. beaivvis ja čakčamánu 15. beaivái ii leat lohpi dolastit, vai luondu ii buollá. Bearjadaga nohká dat gielddus dán jahkái, ja olusat besset illudit dolastaneahkediidda. Dan dieđiha Norgga olggostallansearvi preassadieđáhusas.

– Norggas lea dolla juo symbola olggostallamii, ja lea dehálaš oassi álbmotrievttis. Vaikke dolastallan lea ráddjejuvvon stuora oasi jagis, de lea dolastallan mávssolaš oassi min kultuvrras, lohká Siri Meland. Son lea Norsk Friluftsliv fágahoavda.

 

Njuolggadusat rievdan

Dolastangielddus lei ovdal dušše meahcceguovlluin, muhto 2016:s rievddai dat. Dál gusto miehtá. Muhto ođđa njuolggadusaid mielde sáhttá árvvoštallat lea go várra ahte luondu buollá, ja jus ii leat, de oažžu dola cahkkehit.

Meland ávžžuha goit ge jierpmálaččat árvvoštallat ábuha go luonddus dolastit.

– Mii háliidit ahte buohkat galget beassat čavčča návddašit olgun, ja ahte nu olusat go vejolaš galget beassat leat dollagáttis. Muhto lea dehálaš muitit makkár njuolggadusat gávdnojit, lohká Siri Meland.

Fáddásánit
Ođđasat

På forsiden nå