OIDNOGOAHTÁ SUOMABEALDE: Yle Areenas álgá golggotmánu Binnabánnaš oidnot anáraš- ja nuortalašgillii. Preassagovva

Binna­bánnaš anáraš- ja nuortalaš­gillii

NRK Sámi ráidu, Binnábánnaš, boahtá golggotmánu rájes golmma gillii čájehuvvot Yle Areenas.

11:30 Čakčamánu 06. beaivi 2017

 Unna Junná mánáid-tv boahtá čájehit Binnabánnaža anáraš- ja nuortalašgillii, ja lea ge Unna Junná logi jagi ávvudeami oktavuođas go čájehuvvot 15 Binnabánnaš-oasi.

Binnabánnaš lea NRK Sámi ráidu, mas Binnabánnaš-miessi ovttas skihpáriinnis Ujujjuin oahpaha ođđa sániid mánáide suohtas vugiin. Ráidu lea dahkkon davvisámegillii.

 

Unna Junná čakča prográmmat álget sotnabeaivvi 11.09, ja sáddenáiggit leat ge vuossárggaid diibmu 8.45 Yle TV2 ja nuppádassii čuovvovaš sotnabeaivvi diibmu 8.15 Yle Fem`as.

 

 

Fáddásánit
Guoimmuheapmi

På forsiden nå