Árjjá nubbievttohas Trond Einar Karlsen lohká iežas beahtahallat daid loguiguin.

Árja beahta­hallan

Árja massá vuosttaš válgaprognosaid mielde 4,8 proseantta jienain. – Beahtahalan hirbmosit jus ná bissu, lohká Trond Einar Karlsen, Árjja nubbievttohas.

22:53 Čakčamánu 11. beaivi 2017
Ođastuvvon: 12.09.2017 - 09:24

Válgaprognosaid mielde massá Árja ovtta mándahta ja massá 4,8 proseantta jienain.

 

Behtohallan

Árjja nubbievttohas Trond Einar Karlsen lohká ahte dát logut behttet su.

– Jus nie bissu boađus, de gal beahtahalan hirbmosit. Ledjen gal sávvan ahte leimmet nagodit doalahit bohtosa nu go ovddit háve dagaimet, lohká Karlsen.

 

Masset ovtta mandáhta

Birrasii diibmu 23:00 čájehit válgaprognosat ahte Árja massá ovtta mandáhta. Dát lea šállošahtti Trond Einar mielas.

– Lea hirbmat šállošahtti ja váivi go dakkár boađus lea, ja jus dat vel bissu, lohká son.

 

– Mii lea mannan boastut?

– Dan gal in oba dieđe ge juste dál, loahpaha son.

Fáddásánit
Válggat 2017

På forsiden nå