BIDJAT EARÁID ČÁHCEHEVRRO SISA: Niillas Jovnna Länsman lea dál gearggus bealuštit iežas Eurohpámeasttirnamahusa čáhcecrossas. Govven: Nils Johan Vars (vuorkágovva)

Eurohpá­measttir gearggus bealuštit measttir­namahusa

Guovdageaidnulaš Eurohpámeasttir čáhcecrossas lea dál sajis Gáidnasis, Ruoŧas, gearggus geahččalit fas váldit mielde dan vuoittu ruoktot.

11:29 Borgemánu 26. beaivi 2017
Ođastuvvon: 28.08.2017 - 08:22

Guovdageaidnulaš Niillas Jovnna Länsman lea dál Gáidnasis (Kalix), Davvi-Ruoŧas, gos son lea gearggus gilvalit čáhcecrossa Eurohpámeasttirgilvvus odne.

Länsman vuittii diibmá, ja lea dál dan geažil mielde go lea diimmá vuoiti.

Son galgá bealuštit iežas Eurohpámeasttirnamahusa.

 

Heajos gilvvohallanjahki

Länsman ii leat lihkostuvvan nu bures dán jagi obanassiige, ja guokte vahku áigi son bilidii vel iežas ođđa mutuvrra skuteris.

Dál sus lea dat mutuvra mainna diibmá vuittii measttirnamahusa, mas leat birrasii 30-40 heastta unnit go dan mutuvrras mii billahuvai.

 

Rátkkavuodjimat álget diibmu 12.00, ja bohtosiid sáhtát geahččat dáppe: Bohtosat

På forsiden nå