Čáhccás luodda dán jagáš Sávkadasrittas dagahii ahte lei losit čađahit go goassege lea leamaš. Máŋgga sajis šattai eret sihkkelis njuiket ja hoigat, nu go dá. Govven: Kárášjoga Sihkkelsearvi

Čáhccás Sávkadas­máđii

Garra arvi daid beivviid dagahii ahte Sávkadasritta šattai losibun go láve dábálaččat.

11:54 Borgemánu 27. beaivi 2017
Ođastuvvon: 28.08.2017 - 09:21

Ovccinuppelogis serve dán jagáš Sávkadasrittai, mii lea 36 kilomehtera guhkkosaš meahccesihkkelastin Kárášjogas Váljohkii.

Garra arvi beivviid ovdal dagahii ahte dat šattai stánžaseamos gilvun man lágideaddjit leat goassege vásihan.

 

Ii oktage nissonolmmoš oassálastán

Liikká serve 15:s gilvoluohkáide ja njealjis lášmohallanluohkkái. Dušše guokte nissonolbmo ledje dieđihuvvon gilvui, muhto ii goabbáge sudnos dan dihte searvan.

Lea Kárášjoga sihkkelsearvi mii lágida daid gilvvuid.

 

Guovdageaidnulaš falimus

Ovccis serve gaskal 20- ja 49-jahkásaččaid dievdduid luohkkái. Lei ge guovdageaidnulaš, Per Aune Buljo, gii lei falimus. Son ádjánii 2:50:30 dan stánželuotta sihkkelastit.

Nubbin lei Stig Ronny Nilsen, badjelaš logi minuhta Buljo maŋábealde, ja goalmmádin Kato Norvang, fas 14 minuhta  maŋábealde vuoiti.

 

Bohtosat

 


Sávkadasritta vuoiti, guovdageaidnulaš Per Aune Buljo. Govven: Ellen Inga Hætta

 

På forsiden nå