Unjárgga gieldda ássit fertejit ain vuoššat čázi maŋŋá go gávdnui E-coli čázis. Čájehusgovva.

Ain čáhce­váruhus E-coli geažil

Unjárgga gieldda ássit šaddet ain vuoššat čázi maŋŋá go gávdnui E-coli čázis.

10:32 Borgemánu 10. beaivi 2017
Ođastuvvon: 10.08.2017 - 10:32

Unjárgga gielda dieđiha ahte Unjárgga čáhcedoaimmahagas leat ain váttisvuođat ja dáhttot ain gieldda ássiid vuossat čázi maŋŋá go gávdnui E-coli bakteriija čázis suoidnemánu 17. beaivvi.

 

­– Jámmis váldit iskosiid čázis ja maŋimuš iskosat čájehit buorráneami. Mii lasihit klora čázis ja váldit ođđa čáhceiskosa vuossárgga. Lea ain vuoššanváruhus dassái go eará diehtu dieđihuvvo. Dál leat mii bidjan čáhcetáŋkka olggobeallái skuvlla, dieđiha Unjárgga gielda.

 

Unjárgga gielddas leat dan maŋimuš jagi leamašan olu váttisvuođat čáziin ja Unjárgga gieldda ássit leat šaddat vuoššat čázi guhkit áiggiid.

På forsiden nå