Aili Kristine (Govven: Susannah Spein)

– Presideanta vuoittáhalai

Namma: Aili Kristine Eira

Ahki: 18

Guovlu: Kárášjohka

09:01 Suoidnemánu 20. beaivi 2017
Ođastuvvon: 28.07.2017 - 14:16

1. Mii lea Pi?

ÁVVIRA GEASSEGILVU

Dán gilvvus lea mihttu čoaggit čuoggáid. 

 

Álgovuorus leat 3 gažaldaga, jus daid vástida riekta de manná viidáseappot. Juohke rievttes vástádusas oažžu 1 čuoggá. Jurddašanáigi: 20 sekundda.

 

De álget liigegažaldagat maid galgá vástidit 10 sekunddas. Liigegažaldagain oažžu 1 čuoggá. Gilvaleaddji manná viidáseappot nu guhká go vástida riekta liigegažaldagaid. 

 

Jus ii vástit áigemearrái, de manaha čuoggá.

 

Juohke gilvaleaddji beassá vel geahččalit vástidit ovtta árvádusa mainna sáhttá oažžut 5, 10 dahje 15 čuoggá, dan mielde makkár ivnni vállje; rukses, alit dahje ruoná. Rukses árvádus lea váddáseamos ja jus dan máhttá, de oažžu 15 čuoggá. Alit árvádusain oažžu 10 čuoggá ja ruoná árvádusain 5 čuoggá. Árvádusaid smiehttanáigi lea 1 minuhta.

 

Buohkat geat leat mielde Ávvira geassegilvvus ožžot Flax-vuorbbi. Dat gii nagoda čohkket eanemus čuoggáid vuoitá iPad-mini.

 

Juohke gilvaleaddji beassá hástalit ođđa gilvaleaddji Ávvira geassegilvui.

 

Ávvira bargit ja sin bearrašat eai sáhte searvat gilvui. 

 

Gilvoáigodat 01.07.17-05.08.2017

– Pi lea 3,14, ja dat lea matematihkkadoaba go lea sáhka birramihtu birra. Riekta!

 

2. Gii lea čállán «Et dukkehjem»?

– Henrik Ibsen! Dovddus drámá. Riekta!

 

3. Makkár ealli lea perser?

– Beana dahje bussá, ferten jearrat mu olbmás. Vuorddes! Eira ja su olmmái vástideaba bussá. Riekta!

 

1. Liigegažaldat: Makkár čiekči lea čievččastan eanemus vuoitomoalaid Eaŋglándda ovddas?

– Álkes gažaldat, Wayne Rooney lea čievččastan eanemus moalaid Eaŋglándda ovddas! Riekta!

 

2. Liigegažaldat: Movt šaddá 100 romerlohkui?

– Mu olmmái diehtá romerloguid, amma lea lohpi jearrat sus?

Son jearrá iežas olbmás veahki, ja vástideaba «C». Riekta! 

 

3. Liigegažaldat: Makkár spábbačiekči vuvddii Strømsgodset Real Madridii 2015:s?

– Dat čáppa Martin Ødegård, čaibmá Eira. Riekta!

 

4.Liigegažaldat: Gii lei vuosttaš sámi nissongirječálli?

– Mun berrešin diehtit dán, go mun lean oahppan dán ovddit skuvlajagi… Mun in jáhke mus lea riekta, muhto mun dajan Elsa Laula. Riekta!

 

5. Liigegažaldat: Buot fylkkain miehtá riikka lea dušše okta fylka man rádjá ii guoskka eará riikii dahje merrii. Mii lea dat fylkkaid?

– Mu olmmái gal soaitá diehtit dan gažaldaga. Vuorddes, mun jearan.. Moai vástidetne Telemark. Boastut!

Rievttes vástádus: Oppland 

 

Aili Kristine ii máhttán viđát liigegažaldaga. Son beassá liikká válljet árvádusaid maiguin sáhttá fasket 5,10, dahje 15 čuoggá. Dat lea dan duohken makkár ivnni vállje. Jus vástida riekta de oažžu: Rukses árvádus lea váddáseamos ja das oažžu 15 čuoggá, alit árvádusas 10 čuoggá, ja ruonás fas 5 čuoggá.

Eira vállje rukses ivnni, ja mii jearrat sus dán árvádusa:

 

Mii lea dat maid it oainne, muhto alo lea du ovddabealde?

– Suovva… Ii, dat lea boahtteáigi. Lean gullan dien árvádusa ovdal dárogillii! Riekta!

 

Galle čuoggá oktiibuot: 22 čuoggá.

– Hui somá go lean nagodan eambbo čuoggáid fasket go Sámedikki presideantta! Mus lea hui miella vuoitit iPad Mini, reašká Eira.

 

Juohke gilvaleaddji beassá hástalit ođđa gilvaleaddji Ávvira geassegilvui. Eira hástala Silje Mariell Sara searvat Ávvira geassegilvui.

– Mun hástalan iežan buori skihpára, Silje Mariell Sara, searvat Ávvira geassegilvui. 

 

Njunnošis Aili Kristine Eira 22 čuoggáin.

Fáddásánit
Guoimmuheapmi

På forsiden nå