ELIAS FANAS GEASUHII: Diimmá mánáidfestiválas ledje olu mánát mat fitne Elias fatnasis. Govven: Andrè Larssen (Priváhtagovva)

Mánáid­festivála Sievjjus dán vahkko­loahpa

Diibmá go lágidedje mánáidfestivála Sievjjus, ledje 115 máná ja 137 ollesolbmo boahtán festiválii. Dán vahkkoloahpa bovdejit fas mánáidfestiválii gos sáhttá earret eará Elias-fatnasiin vuodjit, njorostallat ja finadit máinnastanbottuin gámmes.

15:22 Suoidnemánu 21. beaivi 2017

Dán vahkkoloahpa lágiduvvo Sievjju mánáidfestivála nuorttabeal Sievjjusullos Njižževuonas.

Ikte álggii musihkkabargobádji Daltun skuvllas mii loahpahuvvo ihttin ovdanbuktimiin rohkosviesus Njižževuonas.

 

Mánáidfestivála doaimmat

Sotnabeaivvi álgá mánáidfestivála ja sii fállet olu iešguđetlágan doaimmaid.

Sin prográmmas oidno ahte fállet earret eará heastariidema, máinnástanbottu gámmes, njorostallamiid, duodjebáji ja Elias fánasvuodjima.

(Ášši joatká vuollelis)


HEASTARIIDEN: Mánáidfestiválas fállet heastariidema mánáide. Govva lea govvejuvvon diimmá mánáidfestivalas. Govven: Andrè Larssen (Priváhtagovva)

Doppe lea vejolaš oastit biepmu ja oastit feara maid vuovdinbuvrriin mat ceggejuvvojit festiválabáikái.

Sii fállet vejolašvuođa idjadit lávus dahje ieš cegget tealtta báikái.

(Ášši joatká vuollelis)


Diibmá lei Mikkel Gaup guoimmuheame mánáidfestiválas. Govven: Andrè Larssen (Priváhtagovva)

Fearggain Áhkarvuonas sullui

Sivjui beasat fearggain mii manná Áhkarvuonas.

Feargaáiggiid ja eanet dieđuid gávnnat Seiland Barnefestival facebooksiiddus.

Fáddásánit
Kultuvra

På forsiden nå