Lonuhii bellodaga

Ulrika lea leamašan áŋgir Bargiidbellodaga nuoraidorganisašuvnnas AUF:s, muhto lea dál sirdán Šiella bellodahkii. Son muitala ahte son erenomážit boahta bargat mánáid ja nuoraid áššiiguin.
14:29 Borgemánu 01. beaivi 2017
Ođastuvvon: 01.08.2017 - 14:34

Ulrika Louisa Snowdon, Gávvalvággilaš, ovddasta Šiella bellodaga Viesttarmeara válgabires.

Son lea nubbin listtus gos bellodaga presideanttaevttohas Vibeke Larsen lea vuosttaš evttohas. 

 

Váibmoáššit

– Mun boađán earenoamážit bargat mánáid ja nuoraid áššiiguin, dadjá Ulrika.

Muđuid son háliida bargat oččodit oadjebas bajásšaddanbirrasiid miehtá Sámis.

– Háliidan ahte sámegiella galgá gullot ja oidnot beaivválaččat miehtá riika, sámegiella lea dehálaš sihke oahpahusgiellan muhto maiddái dearvvašvuođa suorggis, erenomážit psykalaš dearvvásvuođa suorggis, muitala Ulrika Louisa Snowdon.

 

Mediaovttasbargu

NRK Sápmi ja Ávvir leat ásahan doaimmahuslaš ovttasbarggu gos earret eará nuorra journalisttat jearahit nuorra politihkkárkandidáhtaid.

Mii leat humadan kandidáhtaiguin geat čavčča rájes sáhttet leat mielde váikkuheamen sámepolitihka.

 

Geahča maid: Dovdá go Sandra Borch iežas sápmelažžan?

Geahča maid: Vuosttaš ášši maid ovddidivččet sámediggepresideantan?

Geahča maid: Vajálduvvon sápmelaččat

På forsiden nå