Norgga valáštall oažžu dál giehtagirjji mas sáhttit oažžut rávvagiid ja hárjehallat čađahit ceavzilis ja birasseasti doaimma. Vuorkágovva: Nils Johan Vars

Biras­giehtagirji almmu­huvvo norgga valá­štallama varas

Norgga valáštallanlihttu lea ovttasbargan «Greener Events» ja ráhkadan birasgiehtagirjji Norgga valáštallamii. Girjji lei vejolaš ráhkadit skeaŋkka čađa «Sparebankstiftelsen DNB». Valáštallanrusttegat ja lágideaddjit iešguđet doaluin ja aktivitehtain galget sáhttit oažžut rávvagiid ja hárjehallat čađahit ceavzilis ja birasseasti doaimma.

08:43 Suoidnemánu 28. beaivi 2017

Birasgiehtagirji norgga valáštallamii almmuhuvvo suoidnemánu 30.beaivvi «Norway Cupas» diibmu 13.00. Valáštallanpresideantta Tom Tvedt boahtá maid almmuheapmái.

– Dainna giehtagirjjiin bohtet buot min miellahtut buot 11.500 valáštallanservviin oažžut dan veahki maid dárbbašit vuoi sáhttet min birasdoaimma geavahussii, lea heivehuvvon juohke searvvi dási ja gustonviidodaga. Mii boahtit maid ovttasbargat «Greener Events» kurssaid čađahit buot valáštallanbiire, seammás čađahit gilvvu buot servviid gaskkas Norggas gos dat buoremus birasdoaimmat bálkáduvvot. Go oahpahit, hárjehallat ja juogadit, de mii fuolahit ahte norgga valáštallan doaimmahuvvo eambbo birasseasti sihke ekonomalaččat ja go jurddahat birrasa birra, lohka valáštallanpresideantta Tom Tvedt.

 

Galgá heivet juohkelágan valáštallanorganisašuvnnaide

Greener Events, okta ideála vuođđudus eambbo birasseasti doaluide, álggahii prošeavtta, ja lea oktalaččat bargan Norgga valáštallanservviin.

Seastinbáŋkkuvuođđudus DNB lea addán skeaŋkkas miljon ruvnno čađahan dihte giehtagirjji, ovtta biraskurssa, ja maiddái stipeandda 200.000 ruvnnos maid galget addit vuoitun sidjiide geain leat dat buoremus birasdoaimmat, stipeandda sáhttet juohkit 19 valáštallanorganisašuvnnaide.

– Giehtagirji galgá leat ávkkálaš ja geavatlaš reaidu juohkelágan valáštallanorganisašuvnnaide geat háliidit váldit birasberoštusa duođalaččat. Girjjis gávnnat ovdamearkkaid mat čájehit ahte birasheiveheapmi lea vejolaš ja gánnáhahtti. Giehtagirji lea čállon vásáhusaid vuođul mat leat vásihuvvon olgoriikkas ja Norggas gitta go Lillehammeris lei OG 1994, muitala girjji redaktevra ja beaivválaš jođiheaddji Greener Events, Linnèa Svensson.


Almmuhus Birasgiehtagirjjis lea bidjon Norway Cupas, suoidnemánu 30.beaivvi diibmu 13.00 oktavuođas ovtta birasshowain mii láidestuvvo TV-prográmmajođiheaddjis Markus Barley Ekebergslettas. Preassagovva

 

Fáddásánit
Valáštallan

På forsiden nå