Čájáhusgovva: Kari Lisbeth Hermansen

Eana­buollin Beske­njárggas

Biegga lei bosson dola dollasajis, ja eana lei buollán.

10:40 Geassemánu 14. beaivi 2017
Ođastuvvon: 14.06.2017 - 10:58

Politiijat ožžo gaskavahku iđđes dieđu buollima birra, Beskenjárggas, Kárášjoga gielddas.

Dan dieđiha Finnmárkku politiijaguovlu Twitteris.

 

Ii lean stuorra buollin

Operašuvdnajođiheaddji Jan Arne Pettersen muitala ahte ii lean stuora buollin.

– Lei dollasadji mas sii, geat ledje dolastan, eai lean jáddadan dola. Biegga lei bosson, nu ahte dolla lei leavvan dasa birra.

Politiijajoavku mii ollii báikái, čáskadii dola. Maŋŋil bohte buollinčáskadeaddjit vel čáskadit.

 

Ii leat buollinvárra

Pettersen lohká Ávvirii ahte ii leat buollinvárra, ja olbmot galget beare dolastit.

– Hirpmahuvaimet go gulaimet ahte eana lei buollán. Jur aiddo lea muohta suddan, lohká Pettersen.

Fáddásánit
Ođđasat

På forsiden nå