Hámmárfeastta crossašillju gavdnjan, jus geasset hárjehallet doppe. Govven: Hámmárfeasta suohkan

Čendis-bohccot ráfe­huvvet dáinna

Jus Hámmárfeastta crossavuoddjit ožžot nu go háliidit, de gáržžiduvvo guohtoneana ja čendisbohccot ráfehuvvet.

07:15 Geassemánu 22. beaivi 2017
Ođastuvvon: 22.06.2017 - 10:12

Hámmárfeasta Racing searvi áigu hukset crossašilju Forsølhøydenii, gos birrajagi besset hárjehallat.

Nu go dál lea dilli, de eai beasa hárjehallat doppe go dálvemánuid.

Šiehtadus, mii dahkkui dalle go huksejuvvui, lei ahte ii sáhte geavahuvvot eará go dálvemánuid, dalle go bohccot eai leat Fálásullos, ja maŋŋá miessemánu viđát beaivvi eai beasa šat geavahit.

Dan čállá iFinnmark.

 

Gavdnjan
Fálá-jođiheaddji, Aslak Ante Sara, muitala ahte jus geasset maid galget hárjehallat, de gavdnjejit crossašiljuin bohccuid.

Son muitala ahte boazu ii mana crossašilju lahka, ja dat dagaha ahte eatnamat mat leat meaddel crossašilju eai doaimma šat guohtoneanan, ja dat gáržžida sin guohtoneatnama.

 

Eará báikkiid
Dál leat Hámmárfeastta suohkan ja crossasearvi geahčadeame eará báikkiid gosa sáhttet hukset crossašilju gos hárjehallat besset birra jagi.

 

På forsiden nå