VUOSTTAŠ RUOVTTUČIEKČAN: Nordlys dievdojoavkkus lei ikte vuosttaš ruovttučiekčan, sii vuoittahalle 0-2 Sállan Glimta vuostá. Vuorkágovva: Sárá Máret Rávdná Oskal

Vuoittáhalle vuosttaš ruovttučiekčamis

Nordlys dievdojoavkkus lei lávvardaga vuosttaš ruovttučiekčan, mii ii mannan nu bures.

10:41 Miessemánu 07. beaivi 2017
Ođastuvvon: 08.05.2017 - 08:52

Nordlys valáštallanjoavku lea bargan čorget Niitoguolban spábbačiekčanšilju, go das lei nu olu muohta. Sii šadde maŋidit ovtta čiekčama, go šillju ii lean suddan.

Lávvardaga čiekčamii lei šillju gárvvis, ja dievdojoavku beasai vuostá váldit Sállan Glimta.

 

Sállan Glimta njealját vuoitu

Sállan Glimt vuittii guvttiin moalain ruovttujoavkku vuostá. Nordlys ii ožžon ovtta ge moala.

Lei maid njealját háve maŋŋálaga go Sállan Glimt vuittii Nordlys vuostá. Nordlys ii leat nagodan časkit Sálla Glimta 2015 rájes.

Nordlysa boahtte čiekčan lea miessemánu 16. beaivvi, Guovdageainnu vuostá.

Fáddásánit
Valáštallan

På forsiden nå