7,6 MILJOVNNA: Sámi mánáidgárddiide evttohuvvo 5 miljovnna lasáhus, maid Sámediggi galgá hálddašit. Vuorkágovva.

Sáme­diggái 7,6 miljovnna

Odne almmuhuvvui ráđđehusa evttohus reviderejuvvon stádabušehttii. Obbalaš lasáhus Sámediggái lea 7,6 miljovnna.

14:42 Miessemánu 11. beaivi 2017
Ođastuvvon: 11.05.2017 - 15:00

Duorastaga almmuhuvvui Solberg-ráđđehusareviderejuvvon stáhtabušeahta evttohus.

Geassemánus galgá Stuoradiggi meannudit ja loahpalaččat mearridit reviderejuvvon stádabušeahta.

 

Lasáhus mánáidgárddiide

Evttohuvvo 5 miljovnna ruvnno lasáhus sámi mánáidgárddiide.

Lasáhus manná njuolga Sámediggái, mii galgá fas mearridit movt ruđat galget adnot nannet sámi mánáidgárddiid.

 

Heivehit guovttegielat hálddašeami

Aarporte suohkan lea suoidnemánu vuosttaš beaivvi rájes sámegiela hálddašanguovlu. Suohkan ozai beassat sámegiela hálddašanguovlun 2015:s.

Dál evttoha ráđđehus juolludit 2,3 miljovnna vai sáhttet heivehit guovttegielat hálddašeami Aarporte suohkanis ja Nordlándda fylkkagielddas.

Ođđajagemánu 1. beaivvi ásahuvvui ođđa ja álkit bálkámáksinvuohki stáda ásahusaide. Dan ovdii fertejit rievdadit rehkenaston goluid.

Danne lea Sámediggi ožžon vel lassi 2,6 miljovnna ruvnno.

Riikkaidgaskasaš boazodoalloguovddáš oažžu 400 000 ruvnno seamma ákka dihtii.

Fáddásánit
Ođđasat

På forsiden nå