
Mánáid ja nuoraid filbmaprošeavttat vuoruhuvvojedje

Internašunála Sámi Filbmainstituhtta (ISFI) lea juolludan doarjaga guđa filbmaprošektii.
Internašunála Sámi Filbmainstituhtta (ISFI) oaččui 11 filbmabuvttadanohcama njukčamánus ja oktiibuot ohce 2.5 miljovnna ovddas sámi filmmaide.
Dán háve vuoruhii ISFI filbmaprošeavttaid mánáide ja nuoraide, go gávdnojit nu unnán sámegiel filmmat dán gehččiidjovkui.
Oktiibuot juolluduvvui 950 000 ruvnno guđa filbmaprošektii.
Historjjalaš filbma
– Mii illudit sakka ođđa sámi mánáidfilmmaide, ja erenoamážit vuosttaš sámi guhkesfilbmii mánáide ja nuoraide. SÁVE lea guhkesfilbma man Jens Martin Mienna lea čállán ja Khalid Maimouni, Storyline Pictures áigu buvttadit, muitala Internašunála Sámi Filbmainstituhta direktevra Anne Lajla Utsi.
– Dál áigot giehtačállosa vel válbmet ja ruhtadit filmma. ISFI:s illudit dan beaivái go sáhttit sámi ja eará mánáid bovdet historjjálaš premierii, muitala Utsi.
Cannesii
Govven: Nils Johan Vars (vuorkágovva)
Filmma buvttadeaddji, Khalid Maimouni, lohká iežas leat áibbas sihkarin ahte dát erenomaš muitalus šaddá sihke fámolažžan ja somán oallut gehččiide sihke Norggas ja muđui máilmmis.
– Dál mii váldit mielde prošeavtta Cannes filbmafestiválii, gávdnan dihte ovttasbargoguimmiid, geat sáhttet veahkkin midjiide ollašuhttit dán ehpalaš filmma, dadjá Maimouni.
Juolludeamit
Internašunála Sámi Filbmainstituhtta lea juolludan čuvvovaš filbmadoarjagiid cuoŋománus 2017:
SÁVE
Vuosttaš sámi guhkesfilbma mánáide ja nuoraide: 200 000 ruvnno
Čálli: Jens Martin Mienna, buvttadeaddji: Khalid Maimouni, Storyline Media
GUMPE
Oanehisfilbma: 70 000 ruvnno
Buvttadeaddji: Davas Film Ken Are Bongo
MOOMINS AT CHRISTMAS
Guhkesfilbma dubbejuvvon davvisámegilli: 150 000 ruvnno
Buvttadeaddji: Filmkompaniet Alpha AB Oy, Tom Carpelan, dubben bagadalli: Sara Margrethe Oskal.
BEAIVVI BÁRDNI
Sámegiela teksten: 30 000 ruvnno
Teksten davvisámegillii. Giraff Film AB, buvttadeaddji Anna Bjørk bokte.
MÁINNASGIISÁ
Animašuvdnaráidu mánáide: 200 000 ruvnno
Buvttadeaddji: John Erling Utsi, Sámi Kompania AB
SÁNIT
Babyfilmmat: 300 000 ruvnno
Buvttadeadji ja bagadalli: Ann Film/Ann Holmgren.
Oktiibuot juolludii Internašunála Sámi Filbmainstituhtta 950 000 kr doarjagiid ođđa sámi filmmaide.
Ovdánahttindoarjagat
Dasa lassin leat čuvvovaš filmmat ožžon ovdánahttindoarjagiid dán rádjái 2017:s.
UTSI guhkesfilbma manus, Susanne Hætta 30 000
FAAMOE, drámáráidu, Bauta Film AB 60000
NUORTALAČČAT, dokumentára, Siivet AS 60 000
BIELLU NJUOVČČA, Marja Bål Nango/Ingor Bål Nango 30 000
GIITU ÁNUT, oanehisfilbma, Olve Aslaksen 25 000
EN MANN I ET FUKTIG TELT I HAGEN, Egil Pedersen,
guhkesfilbmamanus 60 000
Oktiibuot ovdanahttindoarjagat 2017: 265 000 ruvnno
Buot doarjagat dán radjái 2017 1 215 000
Boahtte juolludeapmi lea čakčamánus dán jagi.
På forsiden nå
Lávvardaga ledje birrasii 150 olbmo čoahkkanan Álttái čájehit vuostehágu Nussir ASA ruvkeplánaide Fálesnuori suohkanis.
Váillaha nuorain gullat dološ juoiganmálle
– Dán áigge luođit sáhttet veahá muittuhit lávlagiid, manadit nu njuolgadit, dadjá eallilan juoigi guhte aitto almmuhan luohteskearru.
Heaittihit koloniserema akademiijas
Tråantes lágiduvvo seminára dan birra movt heaittihit koloniserema. Lea Saemien Studeenth Tråantesne ja SAIH Trondheim mat lágiidit seminára Tråantes guovvamánu 21. beaivvi.
Kirsti Bergstø evttohuvvon vuosttaškandidáhttan ja fylkkasátnejođiheaddjeevttohassan
Romssa ja Finnmárkku Sosialisttalaš gurutbellodat (SG) lea ceggen ođđa listtu fylkkaválggaide čakčii, ja Unjárgalaš Kirsti Bergstø lea evttohuvvon vuosttažin listui.
– Máledettiin lean iežan máilmmis
Birtavárrilaš Linda-Katrine Asbjørnsdatter njuohtá dovdduidis ja jurdagiiddis govaide. Dál lea su dáidda oaidninláhkai Romssas, ja dat addá sihke ilu ja balu dáiddárii.
Boraspireseminárat dán vahkus
Kárášjogas ja Guovdageainnus lágiduvvo seminára boraspirevahágiid birra.
Áitojuvvojit ja gullet dávjjibut vaššicealkámušaid go earát álbmogis
Lesbbat, homofiillat, bifiillat ja tránsa olbmot vásihit olu dávjjibut go muđui earát álbmogis vaššicealkámušaid ja konkrehta áitagiid.
Galget mearridit gosa sámediggevisti galgá ceggejuvvot
Boahtte vahkku galgá Ruoŧa Sámediggi mearridit gosa Sámedikki ođđa parlameantavisti galgá ceggejuvvot.
Čáhceolmmái ferte jurdilit, fierca ges ráhkesvuođa čájehit
Dán vahku horoskohpa guoska guovvamánu 18.-24. beivviide.
Stuora ruhtavuoittut Finnmárkui
Lávvordateahket vuittiiga guokte finnmárkulačča stuora ruhtavuoittuid. Nubbi lohká iežas niegadan ahte vuoitá ja nu geavai ge dál.
Vajálduhttán gievnni ommana ala
Lávvordateahket ožžo veahkeetáhtat dieđu buollima birra muhtun dálus Kárášjogas. Buollinčáskadeaddjit, politiijat ja ambulánsa manne báikái.
Stuora jahki Solju jovkui
Solju skearru «Ođđa Áigodat» lea evttohuvvon «Best International Indigenous Release» bálkkašupmái. Joavku lea maid leamaš nammaduvvon eará bálkkašumiide vássán jagi.
Jon Henrik Fjällgren beasai njuolga finálii
Jon Henrik Fjällgren beasai lávvordateahket njuolga Melodifestivalen finálii lávlagiin «Norrsken»