BADJEL ČUOĐI ÁŠŠI: Politiijat dutket eambbo go 120 veagalváldinášši Divttasvuonas. Vuorkágovva.

Dutket eambbo go 120 veagal­váldin­ášši

Nordlándda politiijat leat dutkame badjel 120 ášši Divttasvuonas, ja leat ovddidan áššáiduhttima 11 áššis.

10:00 Miessemánu 11. beaivi 2017
Ođastuvvon: 11.05.2017 - 15:01

Leat Nordlándda politiijaguovlu mii dieđiha dan dieđáhusas Divttasvuona ášši birra. Dan čállá ođasfitnodat NTB.

Leat registrerejuvvon badjel 70 gillájeaddji veagalváldináššiin.

Eanas oassi gillájeddjiin ledje gaskal čieža ja 16 jagi boarrásat go veagalváldimat galget dáhpáhuvvan.

Leat eambbo go 80 várohuvvon bahádahkki, ja dássážii leat ovddidan 11 áššáiduhttima. Buot 11 áššiin lea seamma olmmoš áššáiduhtton.

– Jáhkkit ahte čavčča beallái áššáiduhttit ja áššáskuhttit vel eambbosiid. Eat sáhte vel lohkat gallii áššis lea sáhka, lohká Øyvind Rengård.

Fáddásánit
Ođđasat

På forsiden nå