Deanu nieiddat máhcce ruoktot guvttiin gollemedáljain ja guvttiin bronsamedáljain riikkaidgaskasaš gilvvus mannan vahkkoloahpa. Govva: Deanu heaibunsearvi.

Deanu nieiddat birge­jedje bures Naryan–Maras

Sii máhcce medáljagubáin ruoktot Detnui riikkaidgaskasaš gilvvus.

15:20 Miessemánu 18. beaivi 2017
Ođastuvvon: 18.05.2017 - 15:26

Deanu heaibunsearvi lea leamašan riikkaidgaskasaš gilvvus «Open Graco-Roman and Freestyle tournament in memory of Vadim Gerikhanov» Naryan-Maras, Ruoššas mannan vahkkoloahpa.

Deanu heaibunsearvvis ledje njeallje heaibu geat oassálaste gilvvuin.

 

Buoremus heaibugilvvus

Deanu nieida Synne M. Haagensen faskii golli Cadet 56 kilosaš luohkás mas son heaibbui nieidda vuostá gii lea eret Naryan-Maras.

– Finálas vurddii Moldova nieida, guhte vuoittáhalai Synnii ja son de faskii gollemedálja iežas deaddoluohkás, čállá heaibunsearvi.

Son cevzzii leat dat buoremus nisson heaibun gilvvuin.

 

Golli

Gunn Rita Boines lei dušše okta gilvu olles gilvohallamis ja son vuittii Naryan-Mara nissona vuostá finálagilvvus ja faskii golli Junior 63 kiloluohkás.

 

Bronsamedáljat

Sara Mariell Porsanger Anti ja  Tirill Bønå heaibbuiga goappašat Naryan-Mara gánddaid vuostá.

– Lei garra hástalus ja dat dagahii ahte vuoittáhalaiga, nu ahte oaččuiga bronsamedálja sihke Sara ja Tirill, dieđihit Deanu heaibunsearvvis.

Fáddásánit
Valáštallan

På forsiden nå