JOHKAFANASČÁJÁHUS: Geasset leat duddjon fatnasiid, muhto dál rahppo čájáhus. Govva: Anita Bjørnback, RDM.

Čájehit fatnasiid maid diibmá duddjo­jedje

RiddoDuottarMuseat doalai diibmá johkafanasduddjonkurssa. Gaskamuttos dán mánu rahppo čájáhus Kárášjogas gos olbmot besset oaidnit fatnasiid, ja oahpásnuvvat dán duddjomii.

17:59 Miessemánu 09. beaivi 2017
Ođastuvvon: 10.05.2017 - 08:38

Dán mánu lea johkafanasčájáhus Kárášjogas, RiddoDuottarMuseas. Čájáhusrahpan lea miessemánu 15. beaivvi.

Fatnasat leat duddjojuvvon diimmá geasi, go RDM lágidii johkafanasduddjon kurssa. Čájáhusas beassá oaidnit fatnasiid, ja lohkat movt leat ráhkaduvvon.

Leat maid govat ja teavsttat mat čájehit fanaskurssa álggus gitta lohppii.

 

Filbma kurssas

Kursa lea filbmejuvvon, ja čájáhusrahpamis sáhttá oaidnit das filmma. Das čuovvut dan guhtta kursaoasseváldi, go duddjojit juohkehaš johkafatnasa.

Kurssa lágidii fanasduojár Jouni Laiti, Ohcejogas eret.

Čájáhus bistá gitta miessemánu 28. beaivái.

Fáddásánit
Kultuvra

På forsiden nå