OŽŽON SÁRGUN STIPEANDDA: Guovdageaidnulaš Maren Uthaug lea ilus go lea ožžon Rocky stipeandda. Dál son sávvá šaddat vel eanet dovddusin. Čálliidlágádusa preassagovva.

Stipeanda sámi govvaráido­sárgui

Maren Uthaug lea ožžon Rocky bláđii stipeandda. Ulbmil stipeanddain lea ovddidit nisson govvaráidosárguid.

15:28 Cuoŋománu 20. beaivi 2017
Ođastuvvon: 20.04.2017 - 15:59

Maren Uthaug lea ožžon «Rockystipeandda», mii lea ávvustipeanda. Dan dieđiha Strand Comics AS preassadieđáhusas. Rocky lea govvaráidomagasiidna, mii diibmá almmuhii stipeandda. Das lea ulbmil ovddidit nisson govvaráidosárguid.

Son lea sámi govvaráidosárgu, ja almmuhuvvo Politiken aviissas Danmárkkus. Son lea máŋga govvaráidogirjji maid almmuhan, earret eará «Ságer somá leat sápmelažžan» ja «Ságeris ságat».

 

– Go lean sápmelaš, sáhtán roavvát leaikkaid ráhkadit

Uthaug lea ieš hui duđavaš stipeanddain, ja lohká Rockyii ahte lea dehálaš go leat eanaš dievddut geat leat govvaráidosárgut. Iskkadeapmi čájeha ahte leat duššo 6 proseanta nisson govvaráidosárgut, Norgga 75 stuorámus aviissain. Muhto Uthaug mielas ii leat duššo heittot leahkit unnitlogus.

– Dievdoolbmuide lea váddát ráhkadit lihka roavva leaikkaid nissonolbmuid birra go munnje. Seamma go ráhkadan satiregirjjiid. Go ieš lean sápmelaš, de sáhtán mihá roavvát leaikkat ráhkadit sápmelaččaid birra go dáččat, lohká son Rockyii.

Dál Uthaug sávvá šaddat eambbo dovddusin Norggas, gos son ii soaitte oahpis nu oallugiidda ruovtturiikkas. Dál orru Danmárkkus, muhto lea Guovdageainnus eret. Son lea ožžon olu rámi iežas ráidduid ovddas.

Fáddásánit
Kultuvra

På forsiden nå