Sámi árbe­virolaš luođit gulloje Bákte­hárjjis

Guovdageainnus lei sámi árbevirolaš juoigan konsearta Bearjadaga, ja doppe gal gulloje 100 jagi boares luođit. Geahča video dáppe:

11:09 Cuoŋománu 15. beaivi 2017
Ođastuvvon: 15.04.2017 - 15:45

Guhkes bearjadaga gulloje báktehárjjis dološ árbevirolaš luođit go doppe lei juoigan konsearta. Ledje 7 čeahpes juoigit boahtán rohttestit moadde luođi.

Lars Heaika Blind, Inga Elise Påve Idivuomi, Nils Peder Gaup, Elle Maret Anne Skum, Anders M. Skum, Mathis Oskal ja Anne Berit P. Bongo juoiggastedje moadde luođi guhtege.

Dál go lea čuođi jagi Tråante-ávvudeapmi, de ledje válljen áhte gálget dološ árbevirolaš luođit gullot báktehárjjis juoigan konsearttas

 

Duhtavažžat ja buorre mokta

Sámi árbevirolaš juoigankonseartta jođiheaddji Ellen J. Eira lohka hirbmat bures mannan guhkesbearjadaga juoigankonsearttas.

– Lea hui somá juohke háve go doalut álget áhte olbmot čoahkkanit ja daiguin lea buorre mokta. Olbmot leat maiddai hui duhtavažžat.

 

Dološ luđiid gullat

Juoigan konsertii ledje searvan čeahpes juoigit, ja Ellen J. Eira lohka hui buorre oaidnit go luohti ealla ain ja ovdána.

– Ja go dološ luđiid sáhttá gullat, das oahppá ollu.

Eira lohka alddis hui buorre dovdu go oaidná ja gullá luđiid ollu. 

– Lea munnje hui mávssolaš.

 

Dološ luđiin oahpu váldet

Dál go juige dološ luđiid, de lohka Eira áhte nuorra olbmot sáhttet das oahpu váldit ja besset gullat movt dološ luođit leat maid.

Dál lea čuođi jagi ávvudeapmi Tråante, ja Eira lohka sii leat ávvudeamen dáinna lágiin áhte dološ árbevirolaš luođit galget gullot.

– Ávvudit dainna áhte dáppe konsearttas juigojuvvot dološ luođit dal.

Fáddásánit
Kultuvra

På forsiden nå