OĐĐA FÁSTA SUOHKANSTIVRAÁIRRAS GURUTBELLODAGAS: Isak Ole J. Hætta. Govven: Nils Johan Vars (vuorkágovva)

Gurut­bellodaga ođđa suohkan­stivra­áirras

Isak Ole J. Hætta lea Gurutbellodaga ođđa suohkanstivraáirras Guovdageainnus.

12:17 Cuoŋománu 11. beaivi 2017

Go Ann-Catharina Lango fárrii Áltái oahpu háhkat, de son maid seammás massii rievtti ovddastit Guovdageainnu suohkanstivrra dan áigodagas.

Dál lea ge ohcan ja ožžon lobi beassat buot politihkalaš doaimmain mat sus leat suohkanis.

Dan mearridii Guovdageainnu suohkanstivra gieskat.

 

Hætta lávke suohkanstivrii

Oahpaheaddji Isak Ole J. Hætta lávke de Gurutbellodaga fásta áirrasin dan áigodagas go Lango lea Álttás.

Lango lea ge beassan buot doaimmain gitta borgemánu 20. beaivái 2018.

 

Ođđa várrelahtut

Ođđa várrelahtut Gurutbellodagas šaddet de:

1. Berit Anne Sara Triumf

2. Gunn Elisabeth Kristensen

3. Klemet K. Klemetsen

4. Odd Mikael A. Hætta

5. Leif Isak Eide Nilut

 

På forsiden nå