Eanandoallodirektoráhtta leat leat gidden dihtorčovdosa, ja dieđihit go fas sáhttá sáddet sisa dieđáhusa boazodoalu birra. Vuorkágovva: Nils Johan Vars

Gidden sisa­buktin­vejolaš­vuođa ja maŋidan áige­meari

Áigemearri buktit dieđáhusa boazodoalu birra lea maŋiduvvon miessemánu 10. beaivái.

10:08 Cuoŋománu 08. beaivi 2017
Ođastuvvon: 10.04.2017 - 08:51

Dábálaččat galgá jahkásaččat boazodoallodieđáhus sisa sáddejuvvot ovdal cuoŋománu 10. beaivvi. Eanandoallodirektoráhtta dieđiha ahte maŋiduvvon áigemearri guoská dieđáhussii, doarjjaohcamii ja boraspirevahágiid buhtadusohcamii.

 

Gidden dihtorčovdosa

Eanandoallodirektoráhtta lea ožžon dieđuid ahte digitála raporterenvuogádagas leat boasttuvuođat. Muhtun boasttuvuođat leat nu duođalaččat ahte mearridedje giddet dihtorčovdosa dassážii go boasttuvuođat leat divvojuvvon.

 

Boazodoalli Nancy Porsanger Anti muitaliige Ávvirii ahte lea dolkan bealleheggii vuogádaga meattáhusaide,go galgá sáddet jahkásaš boazodoallodieđáhusa. Son leage váidán ášši Diehtobearráigehččui.

 

Dieđihit go rahpet fas

– Nu guhká go boasttuvuođat eai leat divvojuvvon, de ii leat vejolaš addit digitála dieđáhusa boazodoalu birra, ohcat doarjagiid ja ohcat buhtadusa boraspirevahágiid ovddas. Danin mii leat maŋidan áigemeari cuoŋománu 10. beaivvis gitta miessemánu 10. beaivái. Mii addit dieđu go raporterenvuogádat fas lea rabas, čállá Eanandoallodirektoráhtta preassadieđáhusas.

 

Eanandoallodirektoráhtta šálloša go lea ná geavvan ja go sin geavaheaddjit leat šaddan dainna bártidit.

Fáddásánit
Ođđasat

På forsiden nå