UNNÁN VAKSINEREJUVVON: Finnmárkkus, Telemárkkus ja Vestfoldas leat heajumus logut Álbmotdearvvašvuođa vaksiidnastatistihkas. Govven: Heiko Junge / NTB scanpix

Beare oallugat geat eai leat boahkuhuvvon

Norggas leat beare oallugat geat eai leat vaksiinnaid ožžon, dan dieđiha Álbmotdearvvašvuođainstituhtta. Leat erenoamážit golmma fylkkaa beare unnán vaksinerejuvvon olbmot, Finnmárkkus, Telemárkkus ja Vestfoldas.

07:33 Cuoŋománu 21. beaivi 2017
Ođastuvvon: 21.04.2017 - 08:14

Rievtti mielde galget buohkat Norggas ožžon guokte MMR-vaksiinna.

– Vai bárkodávda ii leava, fertešii 95 proseantta álbmogis ožžon MMR-vaksiinna, lohká Jann Storsæter NRKii. Son lea Álbmotdearvvašvuođainstituhta vaksiidnaossodaga váldodoavttir.

 

Unnán Finnmárkkus

Álbmotdearvvašvuođainstituhta ođđaseamos logut čájehit ahte leat erenoamáš olu guovttejahkásaččat vaksinerejuvvon diibmá. Muhto leat dušše 91 proseantta 16-jahkásaččain geat leat vaksinerejuvvon. Finnmárkkus, Telemárkkus ja Vestfoldas lea vuollel 90 proseantta.

– Ii leat gal duođalaš dilli, muhto eat sáhte leat duhtavaččat go oaidnit dáid loguid, lohká Storsæter.

Finnmárkku fylkkadoavttir Eivind Merok geažuha ahte sáhttet registrerejuvvon váttut sivvan manne Finnmárkkus lea lohku nu vuollin.

– Nubbi ágga sáhttá leat go Finnmárkui leat fárredan olbmot maŋemuš jagiid, lohká Merok.

 

Ođđajagemánu lei sullii 500 olbmos Eurohpás bárkodávda. Norggas leavai bárkodávda 2011:s. Sihke ovdal ja maŋŋil dan leat gaskal vihtta ja logi olbmo ožžon dávdda jagis. ©NTB

Fáddásánit
Ođđasat

På forsiden nå