160 čuoigi čuoigájedje Guovdageainnus Heahttái. Mátki lea 90 kilomehtera, ja falimusat ollejit birrasiid 12 áigge Heahttái. Govven: Nils Johan Vars

160 čuoigi čuoimmastedje guhkimus láhttu

Badjelaš 300 oasseváldi leat dieđihuvvon dán jagáš Sami Skkirace gilvvuide, ja guhkimus láhttu lea bivnnuheamos. Geahča video!

10:42 Cuoŋománu 01. beaivi 2017
Ođastuvvon: 01.04.2017 - 10:57

Guhtta buolašceahki Guovdageainnus iđđes diibmu gávccis, Gorovuohppi alde, go 160 čuoigi čuoimmastedje Sami Skirace guhkimus láhtu.

Guhkimus láhttoguhkkodat lea gosa eanemus oasseváldit servet, badjel bealli oasseváldin čuiget dan guhkimus láhtu.

90 kilomehtera, dahje 93 kilomehtera, dat lea ovdal go Heahtá beatnagat álget ciellat daidda vuosttaš čuigiide.

 

Strand jahki?

Ávvirii lea muitaluvvon ahte lea hui jáhkehahtti ahte Fállejohkalaš, Daniel Strand, dat vuoitá dán jagáš Sami Skirace 90 kilomehter gilvvu dievdduid luohká.

Strand lea leamaš njunnošiid searvvis máŋga jagi juo. 2014:s šattai son njealjádin, 2015:s goalmmádin, ja diibmá nubbin. Dál sáhttá leat su jahki váldit golli.

De leaš oaidnit doallá go deaivása.

 

Dálki mearrida

Falimusat sis ádjánit gaskat golbma ja bealle diimmu ja njeallje ja beallediimmu, vuolgá hui olu das man bivval šaddá beaivái ja makkár biegga.

Jus bivval šadda, de buoret johttu sabehiin, ja yr.no dieđiha 4 buolašceahki 11 áigge Áidejávrris, ja measta njuolga miehtte biegga.

Sáhttet buorit áiggit vuittiin dán jagi.

Sii geat čuiget 60 kilomehtera, sii vulge 10.30 Šihččajávrri luoddaearus, ja sii geat 30 kilomehter guhkkosaš láhtu áigot čuoigat, sis lea vuolggadat ovtta áigge Näkkälä nammasaš báikkážis Suoma bealde.

På forsiden nå