GOALMMÁDIN: Jon Henrik Fjällgren ii beasa ovddastit Ruoŧa Eurovision gilvvuin. Govva: Claudio Bresciani/ TT Nyhetsbyrån

Goalmmádin Melodifestivalenis

Jon Henrik Fjällgren bođii goalmmádin Melodifestivalenis. Son ii beasa ovddastit Ruoŧa Eurovision gilvvuin Kievas miessemánu.

22:17 Njukčamánu 11. beaivi 2017

Lávvordaga eahket lei Melodifestivalen gilvu Ruoŧas, gos Ruoŧŧa galggai válljet sin ovddasteaddji Eurovision gilvvuide.

Jon Henrik Fjällgren ja Aninia bođiiga goalmmádiin gilvvuin.

Lei Robin Bengtsson guhte vuittii, «I Can’t Go On» lávlagiin.

 

Prográmmajođiheaddji rámpui

Vaikko prográmmajođiheaddji rámpui Fjällgrena, ja logai son lea beassan buot ruoŧŧelaččaid váibmui, juoigamiin, de ii lean doarvái.

Jon Henrik Fjällgren ja Aninia searvvaiga lávlagiin «Eatneme gusnie jeenh dåaroeh».

Eurohpá jury jienastedje sudno njealjádin. Álbmoga jienat ožžo sudno goalmmát sadjái.

 

Norggas maid sápmelaš mielde

Dál lea maid jođus Norgga Melodi Grand Prix finála, mas Kárášjohkalaš Elin Kåven lea mielde.

Ođđa joavkkuin, Elin & The Woods, searvá son lávlagiin «Oadjebasvuhtii».

Norgga finála álggii diimmu maŋŋil Ruoŧa finála, ja vuoiti ii leat vel almmuhuvvon.

Fáddásánit
Kultuvra

På forsiden nå