GoogleMaps govva.

Dieđihuvvon láhppon – gávdnon dearvan

Romssa politiijat álggahedje sotnabeaivve iđđes ohcanakšuvnna Siskkit Romssas.

10:20 Njukčamánu 19. beaivi 2017
Ođastuvvon: 19.03.2017 - 10:31

Badjelaš 20-jahkásaš dievdoolmmoš dieđihuvvui láhppon Siskkit Romssas lávvordaga sullii logi áigge eahkes, dieđiha Romssa operašuvdnaguovddáš. Politiijat álggahedje ohcanakšuvnna sotnabeaivve iđida. Lei Suodjalusa helikopter mii gávnnai láhppon olbmo odne iđđes maŋŋel go viidát ledje ohcan su.

– Lea fiertu dan guovllus gos son gávdnui, lahka Dærtahytta. Vaikko lea heajos telefovdnaoktavuohta dan guovllus, de áigu son joatkit mátkki, muitala Romssa politiija operašuvdnaguovddáža bargi Siri Ellingsen NRK Romsii.

Dievdoolmmoš, gii lea eret Lulli-Norggas, lea čuoigame Norgga geažos geahčái, iige sus lean gullon mihkkege máŋgga beaivái.

På forsiden nå