Čájáhusgovva. Govven: Gorm Kallestad / NTB scanpix

Ásodagat bulle

Myrveienis Álttás bulii ásodat ássanviesus mas leat njeallje ásodaga.

09:43 Njukčamánu 18. beaivi 2017
Ođastuvvon: 18.03.2017 - 11:01

Ovdalaš 02:15 buolligođii ássanviessu Myrveien ássanguovllus Midtbakkenis Álttás. Politiijat, čáskadanveahka ja ambulánssat vuoddjájedje dakka maŋŋel dohko. Lei ovtta ásodagas buollán viesus mas leat njeallje ásodaga. Buohkat besse dearvan olggos viesus, muhto guoktása fertejedje goitge sáddet doaktára iskkadeapmái, muhto soai eaba lean nu bahuid roasmmehuvvan. Nuppi viesus fertejedje maid evakueret olbmuid, go balle dan buollát.

 

Avinor veahkkin

Álttá čáskadandoaimmahat oaččui maid veahki Avinoras, go buollinčáskadeapmái manai olu čáhci.

 – Avinor bođii veahkkin iežaset čáhcetáŋkabiillain. Čáhci han lea buoremus veahkkeneavvu go galgá jáddadit buollimiid, ja stuorát buollimii manná olu čáhci, lohká 110-guovddáža váktajođiheaddji Joakim Pedersen Altapostenii.

 

Máŋga diimmu bargan

Sullii viđa áigge iđđes nagodedje čáskadeaddjit čáskadit buollima.

 – Lei hui váttis čáskadanbargu. Beal čieža áigge manne čáskadeaddjit viesu sisa maid čáskadit loahppabuollima, muitala Pedersen Altapostenii.

På forsiden nå