Diibmá lassánii neahttagávppašeapmi 14 proseanttain, ovddit jagi ektui. Virke preassagovva

Neahtta­gávppašeapmi lassánan

Neahttagávppašeapmi lassánii vel eambbo 2016:s, 14 proseanttain. Oktiibuot gávppašedje 36,5 miljárdda ruvnno ovddas neahta bokte.

13:36 Guovvamánu 15. beaivi 2017
Ođastuvvon: 15.02.2017 - 13:42

— Lassáneapmi boahtá das go dávjjit gávppašit, lohká Bror William Stende preassadieđáhusas. Son lea suorgedirektevra Virke Faghandelis.

 

36,5 miljárdda ovddas gávppašan

Virke baromehtera analysat čájehit ahte Norgga neahttagávppit vuvde gálvvuid 36,5 miljárdda ovddas diibmá.

— Mii leat diibmá gávppašan dávjjit neahta bokte, muhto gaskamearálaččat leat máksán unnit go ovddit jagi.

Jagi loahpas gávppašedje eanemus. Diibmá lassánii juovlagávppašeapmi neahtas, duššo juovlamánus gávppašedje 4,1 miljárdda ruvnno ovddas.

­— Dat lea lunddolaš, go loahppa jagis gávppašit olbmot juovllaide, lohká Stende.

 

Eanas nuorat, geat gávppašit neahta bokte

Baromehter čájeha maid ahte nuorat gaskkal 15 ja 29 jagi gávppašedje 1,9 miljárdda ovddas, daid golbma maŋemuš mánuid 2016:s.

— Measta 40 proseanta neahttagávppašeamis dáhpáhuvai mobiltelefovnna bokte. Duššo njeallje proseanta sis geat leat badjel 60 jagi, gávppašedje mobiila bokte.

Fáddásánit
Magasiidna

På forsiden nå