Govas oaidnit ruonas gietti man Johan Mikkel M. Sara lea govven oarjjageahčen sullo, Sørvær lahka. Priváhta govva

– Bohccot eai vikka lulás

Dán jagi lei hui guhkes bievla, muohta ii báljo oba boahtán ge, ja muhtun sajiide ii leat vel ii dál ge muohttán.

 

15:08 Skábmamánu 24. beaivi 2016

Sállanis lea ain ruonas, dan lea Sállan boazodoalli, Johan Mikkel M. Sara, duođaštan.

– Fargga juovllat, ja ii muohtadielku ge dáppe Sállanis, baicca ruonas giettit ja rámat, muitala Sara.

Son govvii gietti mii lei ain ruonas skábmamánu 23. beaivvi.

 

– Eai geahčes ge lulás

– Dán muttos áigge goit láve eallu viggagoahtit lulás, muhto eai geahčes ge lulás guvlui, baicca lávdet ábi beallái. Dat leat juoidá dovdame, mii hal dál leaš, lohká son.

– Bohccot leat ain dego čakčamánnu livččii, muitala son.

Sara lea ain ealuin geasseorohagas, muhto ii loga hohpohallat johttát go nu geasádat lea.

 

Eai vikka lulás

Sara muitala maid aiddo hupman geassesiidaguimmiiguin, geat muitalit ahte eallu ii vikka lulás.

– Dán muttos áigge galggašii šaddat lulábeale aivve vuodjit, vai ii ruvgal lulás. Dál measta davábeale šaddet goalgŋat.

– Imaš ja ártet, in leat vásihan dákkár skápma vel, logai Sara.

 

Dál lea vel Sállanii ge ollen muohta, maŋŋel go Ávvir jearahalai Sara dán áššis.

 

På forsiden nå