Ain čáhce­váttis­vuođat

Unjárga gielda lea vuot bidjan johtui čáhceváruhusa go leat gávdnon bakterijat čázis.

08:45 Golggotmánu 20. beaivi 2016
Ođastuvvon: 20.10.2016 - 08:48

Unjárgga gielda šálloša go sii vuot fertejit dieđihit Suovvejoga čáhcerusttega geavaheddjiide ahte čázis leat váldon geahččaleamit ja das leat gávdnon baktearat.

 

Danin doalaha Unjárgga gielda ain čáhcevuoššandieđáhusa.

Dál lea biddjon čáhcetáŋka Unjárgga skuvlla báldii dáluid várás mat gullet Suovvejoga čáhcerusttegii.  Unjárgga gieldda teknalaš ossodaga bargit devdet čáhcetáŋkka dađistaga.

Ođđa čáhcevuoššandiehtu boahtá dan seammás go gielddas leat ođđa dieđut áššis.

På forsiden nå