FARGGA ÁLGÁ LISEANSABIVDU TROMSSA GUOVLLUS: Čakčamánu 10. beaivvi álgá bivdu Govven: Bård Bredesen, Naturarkivet

Tromssa guovlluin álgá geatkki liseansa­bivdu

Dal álgá geaktki bivdin aivve fargga ja boraspirelávdegoddi lea mearridan man ollu getkkiid lea lohpi bahčit 2016/2017 áigodagas Tromssa guovllus.

13:48 Čakčamánu 08. beaivi 2016
Ođastuvvon: 09.09.2016 - 10:16

Boraspirelávdegoddi lea mearridan bivdomeari ollu getkkiid oažžu báhčit Tromssas ja ovttasbargobáikkiin Nordlánddas, boađus šattai 12 geatkki oažžu báhčit liseansabivddus 2016/2017 áigodagas.

Bivdu álgá čakčamánu 10. beaivvi.

 

Geatkeearri Tromssas ja ovttasbargobáikkiin gaskal 7. ja 8. guovllus lea lohpi báhčit oktiibuot 12 geatkki, dán logu siskkobealde lea rehkenaston gávcci ciikku.

A-guovllus sáhtát báhčit ovcci geatkki, ja dan logu siskkobealde lea rehkenaston vihtta ciikku.

A-guovllu ovttasbargobáikeguovlu lea nuorttabealde E6 luotta, mii ii leat vuoruhuvvon guohtunguovlun sávzzaide, iige guottetbáikin bohccuide, čájeha albasiid-, geatke-, guovžža-, gumpe- ja goaskinhálddašanplána 7. guovllus - Nordlánddas, mii lea mearriduvvon njukčamánus jagi 2011:s.

Bivdoáigodat bistá gitta guovvamánu 15. beaivái.

Fáddásánit
Ođđasat

På forsiden nå