Unjárgga gielda leat molsume revrriid mat leat nuppi máilmmisoađi áigge jáhkket ahte dat bargu lea sivvan dasa ahte čáhcekvalitehta ii leat buorre. Čájáhusgovva

Revrret nuppi máilmmisoađi rájes

Unjárgga gielda lea geasi rájes bargan Suovvejoga čáhcerusttegiin gos leat molsumin revrriid, ja sii jáhkket ahte dat bargu lea sivvan dasa ahte čáhcekvalitehta ii leat buorre, ja mii dagaha ahte Unjárgga ássit šaddet vuoššat čázi.

12:08 Čakčamánu 14. beaivi 2016

Gielda dieđiha olles ođđa revresystema áigot bidjat čoahkkái gaskavahkku boahtte vahkus, dan dieđiha entreprenevra gean Unjárgga gielda lea bálkáhan dahkat barggu.

 – Mii jáhkkit ahte manná veaháš áigi, maŋŋá dán oktiibidjama, ovdal go čáhci fas lea buhtis. Olbmot fertejit váldit vuhtii ahte čáhci giddejuvvo barggadettiin čáhcerusttegiin, dieđiha gielda.

 

Nuppi máilmmisoađi rájes
Divatregulatiivva mielde lea nu ahte ássit besset friddja geavahandivvagis vuoššanáigodagas, ja abonnemeantadivvagis lea 50 % vuoládus.
– Unjárgga gielda šálloša go vuoššanáigodat gárttai nu guhká, muhto gielda ferte bákkus molsut revrriid. Sivvan manne gielda molsu revrriid lea go revrret leat nuppi máilmmisoađi áigge biddjon ja eai leat otná standárdda mielde, dieđiha Unjárgga gielda.

Fáddásánit
Ođđasat

På forsiden nå