Dál ávžžuhuvvo iskkahit eamidielkkuid ovdal dálvvi, go dat sáhttá eastadit eamidielku-borasdávdda. Govva: Comnet / Scanpix

Iskka eamidielkkuid ovdal dálvvi

Ovdal go dálvi boahtá, de ávžžuhuvvo iskkat eamidielkkuid, go dat sáhttet várálaččat.

08:50 Čakčamánu 29. beaivi 2016

Juohke jagi ožžot 2000 norgalačča eamidielku-borasdávdda, ja jus dan fuomáša árrat, de lea álkit birget dainna. Boots apotek dieđiha preassadieđáhusas ahte berre iskat eamidielkkuid, erenoamážit jus lea olu leamaš beaivvi ovddas geasset.

Sii čállet ahte Helga Solbakken Tønsbergas eret iskkai, iežas eamidielkku árrat, ja dal ii leat borasdávda sus.

– Álggos jurddašin ahte unna eamidilkkoš ii sáhte várálaš. Danne in beroštan viehkat doaktár lusa go mus olbmát lohke ahte mus lea eamidielku gieđas, lohká Solbakken.

 

Iskkahii apotehkas

Son álggos iskkahii eamidielkkuid Boots Apotekas go lei gávppašeame, ja govva čájehii ahte berrešii mannat iskkaheame dielkku doaktára luhtte.

Doppe čájehedje iskosat ahte lei eamidielku-borasdávda.

Dál son ávžžuha eambbosiid iskat eamidielkkuid ovdal go vajálduvvojit:

– Lea mihá álkit finadit apotehkas iskame go doaktára lusa. Olbmáid rávvagat ledje muittus, muhto in jáhkkán ahte eamidielku lea várálaš, lohká Solbakken, guhte lea lihkolaš go borasdávda fuomášuvvui nu árrat, ja ožžo dan eret.

 

Sáhttá gádjut heakka jus árrat fuomáša

Norgalaččain lea measta buot dávjjimusat eamidielku-borasdávda, duššo Australias lea dávjjit.

Norggas liikojit áfáiduvvot, ja leahkit olgun, dasa lassin finadit Norgalaččat dávjá lieggariikkain.

Dat dagaha ahte Norgalaččain lea nu olu eamidielku-borasdávda, muhto goit ge Norgalaččat eai iskkat eamidielkkuid doarvái bures.

Juohke jagi ožžot 2000 norgalačča eamidielku-borasdávdda, ja 2014s jápme 322 olbmo dan dihte. Dat lea golmma geardde eambbo go maid johtolagas jápmet olbmot.

– Sáhttá heakka gádjut jus árrat fuomáša borasdávdda. Eamidielku-borasdávda ovdána jođánit, ja danne berre jođánit maid álgit dálkkodemiin, lohká Boots Apotek fágahoavda Kjersti Garstad. Son ávžžuha olbmuid geahččat eamidielkkuid, ja jus leat rievdadusat de berre iskkahit daid. Muhttin apotehkain lea maid govvenrusttet mainna oaidná sáhttet go eamidielkkut várálaččat.

– Dat dieđusge ii leat mihkke doavttiriskosiid, muhto hui álkes iskkadeapmi jus olbmos lea eamidielku man áigu iskkahit.

Fáddásánit
Ođđasat

På forsiden nå