Nordlándda fylka. Šearbmagovva: Google Maps

Fylkkamánni áiggošii bákkus ovttastahttit gielddaid

Nordlándda fylkkas vuosttildit eanaš gielddat suohkan-ovttastahttimiid, danin árvala fylkkamánni bákkus ráhkadit ođđa ja stuorát gielddaid.

15:25 Čakčamánu 29. beaivi 2016

Nordlándda fylkkamánni, Hill-Marta Solberg árvala bákkus časkit oktii Áhkánjárgga ja Evenášši suohkaniid.

Røst, Værøy ja Bådådjo maid galggašedje šaddat ođđa stuora gieldan.

Dasa lassin galggašedje Lofuohta-suohkanat Vestvågøy, Flakstad ja Moskenes ovttastahttojuvvot.

 

Eai háliit ovttastahttima

Nordlánddas leat eanemus gielddat buot Norgga fylkkain.

44 gielddas leat dušše gávcci gieldda dieđihan ahte háliidit ovttastahttojuvvot eará gielddaiguin, muhto dát gielddat eai leat nagodan soahpat eará gielddaiguin.

Dat mearkkaša ahte Nordlándda gielddat eai leat gergosat ovttastahttimii.

 

Nordlánddas stuorámus dárbu rievdadusaide

Odne muitalii fylkkamánni man láhkai galggašedje čađahit ovttastahttimiid Nordlánddas.

 – Lean eahpádusas go ii okta ge gielda eaktodáhtolaččat árval ovttastahttima. Nordlánda han dáidá leat dat fylka mas lea stuorámus dárbu suohkanreforbmii, dadjá Solberg NTB ođasdoaimmahahkii.

Fáddásánit
Ođđasat

På forsiden nå