Almmuhus

Almmuhus

ON konvenšuvdna jorgaluvvon sámegillii

Go Norga ratifiserii ON konvenšuvnna doaimmashehttejuvvon olbmuid vuoigatvuođaid birra 2013:s, de geatnegahttii iežas čuovvut konvenšuvnna ja heivehit iežas láhkaaddima ja doaimmaid dán konvenšuvnna njuolggadusaide. Govven: Gáldu.

Ráđđehus lea almmuhan ON konvenšuvnna doaimmashehttejuvvon olbmuid vuoigatvuođaid birra sámegillii.

Published date: 
Vuossárga, 25 Cuoŋománu, 2016 - 17:37
Fáddásánit: 

Mánnodaga cuoŋománu 25.beaivvi 2016 almmuhii Mánáid-, dásseárvo- ja searvadahttindepartemeanta ON konvenšuvnna doaimmashehttejuvvon olbmuid vuoigatvuođaid birra sámegiel jorgalusa, dieđiha Álgoálbmotvuoigatvuođaid gelbbolašvuođaguovddáš Gáldu.

 

Norga ratifiserii ON konvenšuvnna doaimmashehttejuvvon olbmuid vuoigatvuođaid birra 2013:s. Go stáhta ratifisere konvenšuvnna, de geatnegahttá iežas čuovvut konvenšuvnna ja heiveha iežas láhkaaddima ja doaimmaid dán konvenšuvnna njuolggadusaide.

ON komitéa doaimmashehttejuvvon olbmuid vuoigatvuođaid birra bearráigeahččá ahte stáhtat čuvvot konvenšuvnna gáibádusaid. Norga lea 2015:s sádden sisa iežas vuosttaš raportta komitéii mas muitala iežas barggu birra, ja 2016 geasi galgá komitéa árvvoštallat movt Norga čuovvu konvenšuvnna gáibádusaid.

 

ON konvenšuvdna doaimmashehttejuvvon olbmuid vuoigatvuođaid birra sámegillii gávnnat dáppe.

 

På forsiden nå