Válggat 2017

Árja massá vuosttaš válgaprognosaid mielde 4,8 proseantta jienain. – Beahtahalan hirbmosit jus ná bissu, lohká Trond Einar Karlsen, Árjja nubbievttohas.

22:53 Čakčamánu 11. beaivi 2017

Guovddášbellodaga Nancy Porsanger Anti, guhte lea nubbievttohas stuorradigge- ja sámediggeválgii, lea duhtavaš go Guovddášbellodat oažžu ovtta áirasa Stuorradiggái.

22:47 Čakčamánu 11. beaivi 2017

Guovdageainnu dáloniid searvvi Isak Mathis O. Hætta jáhkká oažžut áirasa Sámediggái, vaikke dássážii eai leat ožžon go 0,8 proseantta jienain. Prognosat čájehit ahte ii leat vuos áirras Guovdageainnu dáloniid searvái. – Jáhkán go buot Guovdageainnu jienaid leat lohkan, de lea áirras siste, lohká Hætta.

22:35 Čakčamánu 11. beaivi 2017

NSR presideanta ii duostta vuos illudit, muhto mieđiha ahte sis leat buorit prognosat mat dán rádjái leat boahtán.

22:14 Čakčamánu 11. beaivi 2017

Bargiidbellodaga presideantaevttohas ii leat duhtavaš gaskaboddosaš válgabohtosiiguin.

21:45 Čakčamánu 11. beaivi 2017

Vibeke Larsena ođđa bellodat oaččui 1,7 proseantta jienain, dain vuosttaš bohtosiin. Larsen ii dieđe beassá go šat Sámediggái, muhto doallá ain movtta badjin.

21:34 Čakčamánu 11. beaivi 2017

Son ii vuollánan go ii beassan iežas suohkanis jienastit, nu ahte son vujii 262 kilomehtera ránnjá gildii ja jienastii.

21:17 Čakčamánu 11. beaivi 2017

Dán áššis gávnnat prognosaid ja makkár áirrasjuohku orru šaddamin. Mii ođasmahttit siiddu dađistaga.

21:15 Čakčamánu 11. beaivi 2017

Siiddut