Eanet boarrásat vásihit ahte eai nagot máksit iežaset rehkegiid. Maŋimuš viđa jagis leat vuorraset geain lea heajos ekonomiija lassánan 60 proseanttain.
Eanet boarrásat vásihit ahte eai nagot máksit iežaset rehkegiid. Maŋimuš viđa jagis leat vuorraset geain lea heajos ekonomiija lassánan 60 proseanttain.
Lindorff guorahallan čájeha ahte eanet badjel 66-jahkásaš olbmot rahčet máksimis rehkegiid.
Geassemánu loahpas lei 17 000 vuorrasis máksinmearkkašeapmi.
– Ii leat sáhka nu stuora joavkkus, muhto vuorrasiid searvvis lassánit ekonomalaš váttisvuođat sakka eanet go muđui servodagas, lohká Lindorff Norge kredihttagieđahallanfitnodaga hálddahuslaš direktevra Anette Willumsen Dagens Næringsliv aviisii.
60 proseantta lassáneapmi
Vuorrasat geat eai suitte máksit iežaset rehkegiid leat lassánan 60 proseanttain maŋimuš viđa jagis, čájeha Lindorff guorahallan. Ná stuora lassáneapmi ii leat muđui servodagas.
Eanet boares olbmot dahje seamma golaheapmi penšuvdnaagis sáhttá čilgehussan lassi ekonomalaš hástalusaide.
– Vuorraset eai unnit golaheami vaikke šaddet penšunistan, čilge Willumsen.
