-Almmuhus-
OĐĐASATVibeke Larsen gearggus čohkkedit presideantastullui

Vibeke Larsen gearggus čohkkedit presideantastullui

-

-

Eanetlohku ovttas Bargiidbellodagain soaitá dán vahkku gáibidit Sámediggeráđi luohpat, NRK Sámi dieđuid vuođul.

NRK Sámi dieđuid vuođul galgá eahpeluohttámuš Sámediggeráđđái ovdanbuktot gaskavahkku dievasčoahkkimis.

Bargiidbellodat lea maid gárveme bušeahttaevttohusa mii galgá biddjot ovdan gaskavahkku.

 

Gearggus váldit presideantasaji

Vibeke Larsen ii áiggo searvat NRK TV- dahje radiojearahallamii, muhto cealká oanehaččat:

– Jus Sámediggeráđđi ii geassát go mii buktit bušeahttaevttohusa, de áigut buktit eahpeluohttámuševttohusa Sámediggeráđđái, dadjá Larsen NRK Sápmái.

Bargiidbellodat lea bargame oažžut eanetlogu jienastit bušeahttaevttohusa maid sii ovdanbuktet.

 

Duorastaga galgá mearrádus dahkkot bušeahttaevttohusa áššis.

Vibeke Larsen boahtá farggamusat váldit oktavuođa sámedikki presideanttain Aili Keskitaloin, ja ovdagiitii muitalit ahte áigot buktit eahpeluohttámuševttohusa sámediggeráđđái, čállá NRK Sápmi.

 

Dieđuid mielde lea sihke sámedikki presideanta Aili Keskitalo ja Norgga Sámiid Riikkasearvvi jođiheaddji Beaska Niillas, dieđihan ahte áiguba farggamusat buktit cealkámuša dán dillái.

-Almmuhus-