-Almmuhus-
-Almmuhus-
-Almmuhus-
OĐĐASATTrygg Trafikk ii liiko olbmuid jealbmadábiide

Trygg Trafikk ii liiko olbmuid jealbmadábiide

-

-

Trygg Trafikk dieđiha ahte olbmot eai leat doarvái čeahpit geavahit sihkkeljealmmaid. Oanehis mátkkiin hui dávjá eai cokka sihkkeljealmmaid, muhto jus mánát leat fárus, de gal geavahit dan. Dasa ii liiko Trygg Trafikk.

– Jus časkkát oaivvi asfáltii, de lea sihkkeljealbma áidna mii suddje oaivvi. Danne lea vahát go nu oallugat eai vel geavat sihkkeljealmmaid. Dákko fertejit buoridit, lohká Trygg Trafikk gulahallanhoavda Ann-Kathrin Årøen preassadieđáhusas.

 

Muhtuniin ii oba leat ge jealbma

Lea riikkaviidosaš iskkadeapmi mii čájeha ahte norgalaččat eai geavat sihkkeljealmma nu olu go galggašii. Iskkadeapmi čájeha ahte dušše 35 proseantta buot sihkkelasttiin geavahit sihkkeljealmma.

Birrasii 30 proseantta vástidii ahte eai geavat goasse, hárve dahje dušše muhtomin. 14 proseantta vástidii ahte dábálaččat geavahit, ja 20 proseantta fas vástidii ahte ii oba leat ge jealbma.

 

Geavahit jealmma go sihkkelastejit mánáiguin fárrolaga

85 proseanta vástidii ahte mánáin lea álo jealbma alde. 71 proseanta fas vástidii ahte sii álo geavahit jealmma go mánát leat mielde. Dát proseanta njiedjá 44 prosentii go akto sihkkelastejit.

– Cokka jealmma! Lea lihka varalaš akto sihkkelastit, go mánáiguin fárrolaga, lohká Årøen.

YouGov lea čađahan riikaviidosaš iskkadeami Trygg Trafikk ja Tryg Forsikring ovddas. (©NTB)

-Almmuhus-