Ođđa musihkas man almmustahttet leat ođđaáigásaš bihtát, mas árbevirolaš musihkka lea heivehuvvon ođđa vugiiguin.
Ođđa musihkas man almmustahttet leat ođđaáigásaš bihtát, mas árbevirolaš musihkka lea heivehuvvon ođđa vugiiguin.
Sámi musihkkaakademiija lohkanjagi 2018-2019 studeanttat leat dán skuvlajagi ráhkadann šuoŋaid ja čállán sániid ođđa musihkkabihtáide.
Dál leat gergosat almmuhit bargguset.
Preassadieđáhusas muitalit ahte sii leat árbevirolaš musihka heivehan ja ráhkadan ođđaáigásaš musihkkan, muitala sámi musihkkaakademiija jođiheaddji oahpaheaddji, Anna Näkkäläjärvi-Länsman.
Almmustahttin dáhpáhuvvá giđđakonsearttain Ohcejogas ja Anáris, mii lea sámemusihka goalmmát jagi guhkkosaš skuvlenprográmma allaárvosaš loahpaheapmi.
Ovttasbargu medialinjjáin
Sámi musihkkaakademiija oahppit leat joavkobargguin bargan musihkabihtáiguin, ja muitaleaddji musihkkavideoid leat fas Sámi oahpahusguovddáža medialinjjá oahppit ráhkadan.
Oahppojahki leamašan oktasaš mátki
Musihkkaohppiid oahpaheaddji Anna Näkkäläjärvi-Länsman muitala ahte konsearttaid fáddá lea áiggeheapmi:
– Vaikke studeanttat leat riegádan sierra jahkelogiin, de musihkka ja sohka ovttastahttá. Oahpuid áigge studeanttat leat oahppan guhtet guimmiineaset. Oahpahusjahki lea leamašan oktasaš mátki, gos oahppit leat dorjon nubbi nuppi. Dál dát mátki nohká máŋggabealat konsearttain, mas gullat árbevirolaš ja ođđaáigásaš sámemusihka, muitala Näkkäläjärvi-Länsman.
Sámi musihkkaakademiija giđđakonsearta lágiduvvo Ohcejogas gaskavahku 15.5.2019 ja Anáris duorastaga 16.5.2019 .
