-Almmuhus-
OĐĐASATSkohter­láhtut gidde­juvvon Káráš­jogas

Skohter­láhtut gidde­juvvon Káráš­jogas

-

-

Fylkkamánni ii váldde vuhtii Kárášjoga gieldda ohcama guhkit doallat rabas skohterláhtuid.

Kárášjoga gieldda skohterláhtut leat giddejuvvon. Kárášjoga gielda lei ohcan joatkit doallat skohterláhtuid rabasin gitta miessemánu 24. beaivái. Dát boahtá ovdan Kárášjoga gieldda ruovttusiiddus.

Fylkkamánni vástádus lea ahte sii eai joatkke doallat skohterláhtuid rabasin maŋŋá miessemánu 17. beaivvi, danne go fuođđut, mii lea ággan mohtorjohtolaga gildosii, dárbbašit ráfi mannen- ja čivgan/ guottetáiggis. Guhkes dálvi ja olu muohta dagaha fuođđuid liige rašes dillái lassi energiijadárbbu ja váilevaš guohtuma dihtii. Eanaš fuođđoáiccut eai leat almmolaš dátačoakkáldagain, gáddet fuođđuid leat maiddái guovlluin gos leat luottat. Sii árvvoštallet seamma láhkai olles Finnmárkui ja Davvi-Romsii.

-Almmuhus-