Mannan idja leamaš guhki Offroad Finnmárkku gilvaleddjiide ja máŋga joavkku leat šaddan gaskkalduhttit iešguđet sivaid geažil.
Sirma IL valáštallansearvvis ledje mielde golbma joavkku of300 gilvvus.
Guovttis dáin leat šaddan gaskkalduhttit.
Fertiiga botkket
Sirma IL joavkku Ole Henrik Somby ja Ole Georg Pettersen gaskkalduhtiiga diibmu 00:25 ja leigga sihkkelasttán badjelaš 91 kilomehtera.
Jotkkii eará joavkku mielde
Team Sirma Queens Martine Joks ja Sirin Strand gaskkalduhtiiga ovdalaš diibmu golmma dán ija.
Strand goittot válljii čađahit Team SmartDok Turid Emaus Karlstrøm mielde, go maiddái su gilvoguoibmi Bente Røkenes ii šat sáhttán joatkit.
Dán radjai leat oktiibuot 12 joavkku gaskkalduhttán of300 gilvvus ja gávccis of700 gilvvus.
Bohtosiid sáhttát čuovvut dás.
