Oahppit lohket heajubut šearpmas, ja barget eanet okto go buohkain leat sierra digitála ovttadagat. Muhto šearbma sáhttá maid dahkat oahpahusa eanet miellagiddevažžan.
Dan čájeha dutkan dan guovtti fáddánotáhtas maid Šearbmageavaheami lávdegoddi lea geigen máhttoministarii ja mánáid- ja bearašministarii. Notáhtat čohkkejit dieđuid mánáid ja nuoraid šearbmageavaheami birra. Máŋga dutkama čájehit ahte oahppit lohket guhkit teavsttaid mearkkašahtti heajubut šearpmas go báberhámis, ja ahte sii muitet teavsttaid unnibut.
– Máhttočoahkkáigeassu duođašta ahte lea dehálaš dásset ohppiid šearbmageavaheami skuvllas. Buot oahppit galget oažžut vejolašvuođa šaddat čeahpes lohkkin. Máhttit lohkat bures lea deaŧalaš eaktu olu fágaid oahppamii. Dalle fertet mii láhčit dili nu ahte mánát maiddái besset hárjehallat lohkat guhkit teavsttaid báhpiris, dadjá máhttoministtar Kari Nessa Nordtun (Bb).
