RiddoDuottarMuseat ja Davvi-Norgga Dáiddamusea leat vuoitán jagi 2017 Dáiddakritihkarbálkkašumi.
RiddoDuottarMuseat ja Davvi-Norgga Dáiddamusea leat vuoitán jagi 2017 Dáiddakritihkarbálkkašumi.
– Mii leat hui čeavlát go beassat muitalit ahte midjiide, RiddoDuottarMuseaide ja Sámi dáiddamuseii, lea vel okta bálkkašupmi. Kunstkritikerprisen lea allaárvosaš bálkkašupmi ja mis lei garra gilvu, čállá Davvi-Norgga musea iežaset neahttasiidui.
Sámi dáiddamusea lei museumperformance dáidda, man RiddoDuottarMuseat ja Davvi-Norgga Dáiddamusea leat ceggen.
– Čielga signála
Davvi-Norgga Dáiddamusea direktevra Jérémie M. McGowan lea rámis ja ilus go sin bargu lea ožžon nu olu ánssu Norggas.
– Kulturásahusain lea ovddasvástádus geahččaladdat, hástalit ja ođastit sihke ásahusaid ja servodaga. Sámi áššit leat eanet ja eanet oidnosis Norggas, ja sávvat ahte eambbo museaarenat loktejit daid gažaldagaid boahtteáiggis. Nu sáhttá vuođu hukset dárbbašlaš kritihkalaš digaštallamii, lohká son preassadieđáhusas.
– Dál lea prošeakta vuoitán golbma bálkkašumi ja evttohuvvon vuoitit njealjáda. Dat muitala veahá dan birra man olu beršotupmi lea sámi dáidagii. Albma duohta Sámi Dáiddamuseas livččii stuora potensiála, ja eiseválddiide gártagohtet eanet ja eanet signálat. Lea áigi addit Sápmái ja Davvi-Norgii sámi dáiddamusea, logai RiddoDuottarMuseat direktevra Anne May Olli dalle go evttohuvve vuoitit dán bálkkašumi.
Duhtavaččat
Goappaš direktevrrat leaba duhtavaččat ovttasbargguin, ja leaba ovttaoaivilis ahte ii goabbá ge ásahus livčče nuppi haga birgen dán barggus.
Lea maid vuođđun boahttevaš ovttasbargguide.
Prošeakta lea ožžon Romssa suohkana kulturbálkkašumi ja NPU-bálkkašumi. Sámi dáiddamusea lei maid stuora váikkuhussan manne Davvi-Norgga Dáiddamusea vuittii «Jagi 2017 musea» bálkkašumi.
Seamma jagi lei maid ođđa olahus guosselogus.
