-Almmuhus-
-Almmuhus-
-Almmuhus-
SMÁVVAOĐĐASATRuoŧa Sáme­diggi 30 jagi

Ruoŧa Sáme­diggi 30 jagi

-

-

Dán jagi ávvuda Ruoŧa Sámediggi ahte lea 30 jagi áigi dan rájes go Ruoŧa gonagas rabai vuosttaš sámediggeáigodaga almmolaččat.

Sámedikki dievasčoahkkin Åres, skábmamánu 22. beaivvi, čalmmustahttá 30-jagi ávvudeami, muhto gáržžes ekonomalaš dili geažil šaddá ávvudeapmi unnit bušeahtain. 

Ávvudeapmi čalmmustahttojuvvo logaldallamiin beaivet mii streamejuvvo neahta bokte álbmogii, ja Lars-Eric Åhren konsearttain maŋŋelgaskabeaivve. Eahkes lágida Sámediggi ávvumállásiid dievasčoahkkima miellahtuide ja bovdejuvvon gussiide, dieđiha Sámediggi iežas neahttasiiddus

Borgemánu 26. beaivvi 1993 álggahii gonagas Carl XVI Gustaf Ruoŧa Sámedikki vuosttaš áigodaga almmolaččat.

-Almmuhus-