-Almmuhus-
OĐĐASATRuošša beal sápmelaččat váillahit álbmotválljejuvvon orgána

Ruošša beal sápmelaččat váillahit álbmotválljejuvvon orgána

-

-

Sáme Parlameanta jođiheaddji Guoládatnjárggas Valentina Sovkina muitala Sameradion & svt sápmis ahte son ii bala joatkit iežas álbmoga ovddas.
– Guovllu eiseválddit lohket min Same Parlameanta ii leat lobálaš, lohká Valentina Sovkina. Son čuoččuha ahte eiseválddit dan sadjái ovttasbargat eará sámi serviiguin geat ovddastit eiseválddiid, eaige sáme servviid.

 

Dan rájes go Ruošša ođđa láhka bođii fápmui, mas daddjo ahte organisašuvnnat mat ožžot ruđalaš doarjaga olgoriikkas, leat olggoriikkalaš ageanttat, de lea šaddan váddásat sámi ovddasteaddjiide nugo Valentina Sovkinai ja Sáme Parlamentii Ruoššas. Ovdal leamaš lágaš ovttasbargu Sámeráđiin, muhto dál lea measta juo visot heaittihuvvon.
– Hui heivvolaš guovllu eiseválddiide ahte mii eat sáhte šat čoahkkanit, lohká Valentina Sovkina, Sami Parlameantta jođiheaddji.

-Almmuhus-