-Almmuhus-
OĐĐASATRievssatbivdu fáddán maiddái dáppe

Rievssatbivdu fáddán maiddái dáppe

-

-

Sámedikki dievasčoahkkimis šattai sáhka badjelmearálaš rievssatbivddus.

NSR sámediggeáirras Inger Elin Utsi čujuhii ivttá Ávvira áššái gos Mikkel Mathis Eira muitalii iežas orohagas maŋimuš vahkkuid leamaš čuđiid mielde rievssatbivdiid mat leat muosehuhttán sin.

Utsi jearai maid Sámedikkeráđđi oaivvilda dákkár áššiin.

Loga maid: Gáibida rievssatbivddu bissehuvvot

 

– Gieldit rievssatbivddu beatnagiiguin?

Maiddái Árjja Laila Susanne Vars čuovvolii Utsi ja jearai leago ráđđi jurddašan earálágan hálddašanvugiid.

– Sáhttá go geahčadit hálddašumi, sáhttá go ovdamearkka dihtii gieldit rievssatbivddu beatnagiiguin. Mu mielas orro diekkár bivdu dakkár resursagoarideapmi man ii sáhte dohkkehit.

 

Sámedikkeráđi Silje Karine Muotka vástidii ahte lea ovttaoaivilis ahte diekkár bivdovuogit ii leat sámi árbevierru.

– Diet bivdovuohki ahte báhččit máŋga čuohte rievssaha ii leat min árbevieru mielde, dajai Muotka ja ávžžuhii Sámedikki searvat hábmet FeFo-strategiija go ráđđi ovdanbuktá dan juovlamánus.

– Dalle lea vejolašvuohta searvat váikkuhit dasa mo FeFo galgá stivret boahtteáiggis.

 

 

 

 

 

 

-Almmuhus-