Spábba lea jorbbas, vaikko vuosttaš čiekčamis eai lihkostuvvan buot joavkkut, de sáhttá ain olu geavvat.
Mannan vahkkoloahpa čikče njealját divišuvnna dievddut vuosttaš čiekčamiid dán jagáš ráidočiekčamis.
Vuoittáhalle ruovttušiljus
Guovdageainnu dievddut deaivvadedje Sállan Glimtain ruovttušiljus mannan lávvordaga. Vuosttaš vuoru čikče joavvkut dássalaga, ii goabbage joavku nagodan náhkehit moala. Nuppi vuorus čájehii Sállan Glimt givrodaga, ja nahkehedje golbma moala ovdal go čiekčan nogai.
Birgejedje bures
Porsáŋgu ja Nordlys deaivvadedje Leavnnjas bearjadateahket. Porsáŋggu čiekči, Simen Johansen, nahkehii Porsáŋggu vuosttaš moala ja Tobias Borch fas nuppi. Dan gaskkas háhppehii duopmár addit golbma fiskes koartta, buot golbma Nordlys čikčiide. Nu šadde Kárášjoga dievddut duhtat nulla čuggáin go čiekčan nogai.
Ođđa vejolašvuohta
Dán vahkku leat joavkkuin ođđa vejolašvuođat ja ođđa čiekčamat. Guovdageainnu dievddut deaivvadit Fállejogain ihttin ja Porsáŋgu fas Nordildain lávvordaga.
4. divišuvnna tabealla:
| Joavku | Čiekčan | Čuoggá | |
| 1 | Fállejohka | 1 | 3 |
| 2 | Alta 2 | 1 | 3 |
| 3 | Bossegohppi | 1 | 3 |
| 4 | Sállan Glimt | 1 | 3 |
| 5 | Porsáŋgu | 1 | 3 |
| 6 | Girkonjárga | 0 | 0 |
| 7 | Norild | 0 | 0 |
| 8 | Nordlys | 1 | 0 |
| 9 | HIF/Stein | 1 | 0 |
| 10 | Guovdageaidnu | 1 | 0 |
| 11 | Indrefjord | 1 | 0 |
| 12 | Honnesváhki | 1 | 0 |
